as yunhi tanha rahunga is safar mein umr bhar
jis taraf koi nahin jata udhar jata hun main

Arsh Siddiqui

---

---

dekh rah jae na tu KHwahish ke gumbad mein asir
ghar banata hai to sab se pahle darwaza laga

Arsh Siddiqui

---

---

ek lamhe ko tum mile the magar
umr bhar dil ko hum masalte rahe

Arsh Siddiqui

---

---

han samundar mein utar lekin ubharne ki bhi soch
Dubne se pahle gahrai ka andaza laga

Arsh Siddiqui

---

---

hum ki mayus nahin hain unhen pa hi lenge
log kahte hain ki DhunDe se KHuda milta hai

Arsh Siddiqui

---

---

hum ne chaha tha teri chaal chalen
hae hum apni chaal se bhi gae

Arsh Siddiqui

---

---

ek teri be-ruKHi se zamana KHafa hua
ai sang-dil tujhe bhi KHabar hai ki kya hua

Arsh Siddiqui

---

---

main pairwi-e-ahl-e-siyasat nahin karta
ek rasta in sab se juda chahiye mujh ko

Arsh Siddiqui

---

---

uThti to hai sau bar pe mujh tak nahin aati
is shahr mein chalti hai hawa sahmi hui si

Arsh Siddiqui

---

---