kisi bhi haal mein raazi nahin hai dil hum se
har ek tarah ka ye kafir bahana rakhta hai

Anjum Rumani

---

---

ye jitne masale hain mashghale hain sab faraghat ke
na tum be-kar baiThe ho na hum be-kar baiThe hain

Anjum Rumani

---

---

samjhi gai jo baat hamari ghalat to kya
yan tarjuma kuchh aur hai aayat kuchh aur hai

Anjum Rumani

---

---

sach ke saude mein na paDna ki KHasara hoga
jo hua haal hamara so tumhaara hoga

Anjum Rumani

---

---

ahe zara dil-e-KHun-gashta par nazar 'anjum'
usi sadaf se ajab kya guhar nikal aae

Anjum Rumani

---

---

qalandari hai ki rakhta hai dil ghani 'anjum'
koi dukan na koi kar-KHana rakhta hai

Anjum Rumani

---

---

pi jate hain zahr-e-gham-e-hasti ho ki mai ho
hum sa bhi zamane mein bala-nosh na hoga

Anjum Rumani

---

---

pap karo ji khol kar dhabbon ki kya soch
jab ji chaha dho liye ganga-jal ke sath

Anjum Rumani

---

---

nai zindagi ke nae makr o fan
nae aadmi ki nai chaal-Dhaal

Anjum Rumani

---

---