wo duniya thi jahan tum rok lete the zaban meri
ye mahshar hai yahan sunni paDegi dastan meri

Anand Narayan Mulla

---

---

wo kaun hain jinhen tauba ki mil gai fursat
hamein gunah bhi karne ko zindagi kam hai

who are those that seem to find the time for to repent
for us this life is too short to sin to heart's content

Anand Narayan Mulla

---

---

gale laga ke kiya nazr-e-shoala-e-atish
qafas se chhuT ke phir aashiyan mile na mile

Anand Narayan Mulla

---

---

ab aur is ke siwa chahte ho kya 'mulla'
ye kam hai us ne tumhein muskura ke dekh liya

Anand Narayan Mulla

---

---

ab aur is se siwa chahte ho kya 'mulla'
ye kam hai us ne tumhein muskura ke dekh liya

Anand Narayan Mulla

---

---

ab ban ke falak-zad dikhate hain hamein aankh
zarre wahi kal jin ko uchhaala tha hamin ne

Anand Narayan Mulla

---

---

aql ke bhaTke houn ko rah dikhlate hue
hum ne kaTi zindagi diwana kahlate hue

Anand Narayan Mulla

---

---

ashk-e-gham-e-ulfat mein ek raaz-e-nihani hai
pi jao to amrit hai bah jae to pani hai

Anand Narayan Mulla

---

---

dayar-e-ishq hai ye zarf-e-dil ki jaanch hoti hai
yahan poshak se andaza insan ka nahin hota

Anand Narayan Mulla

---

---