mujhe kar ke chup koi kahta hai hans kar
unhen baat karne ki aadat nahin hai

Anand Narayan Mulla

---

---

nazar jis ki taraf kar ke nigahen pher lete ho
qayamat tak phir us dil ki pareshani nahin jati

Anand Narayan Mulla

---

---

na jaane kitni shamen gul huin kitne bujhe tare
tab ek KHurshid itraata hua baala-e-baam aaya

Anand Narayan Mulla

---

---

'mulla' bana diya hai ise bhi mahaz-e-jang
ek sulh ka payam thi urdu zaban kabhi

Anand Narayan Mulla

---

---

muKHtasar apni hadis-e-zist ye hai ishq mein
pahle thoDa sa hanse phir umr bhar roya kiye

Anand Narayan Mulla

---

---

main faqat insan hun hindu musalman kuchh nahin
mere dil ke dard mein tafriq-e-iman kuchh nahin

Anand Narayan Mulla

---

---

KHuda jaane dua thi ya shikayat lab pe bismil ke
nazar su-e-falak thi hath mein daman-e-qatil tha

Anand Narayan Mulla

---

---

KHun-e-jigar ke qatre aur ashk ban ke Tapken
kis kaam ke liye the kis kaam aa rahe hain

Anand Narayan Mulla

---

---

nizam-e-mai-kada saqi badalne ki zarurat hai
hazaron hain safen jin mein na mai aai na jam aaya

Anand Narayan Mulla

---

---