na-umidi harf-e-tohmat hi sahi kya kijiye
tum qarib aate nahin ho aur KHuda milta nahin

Akhtar Saeed Khan

---

---

mujhe ab dekhti hai zindagi yun be-niyazana
ki jaise puchhti ho kaun ho tum justuju kya hai

Akhtar Saeed Khan

---

---

mera fasana har ek dil ka majra to na tha
suna bhi hoga kisi ne to kya suna hoga

Akhtar Saeed Khan

---

---

main safar mein hun magar samt-e-safar koi nahin
kya main KHud apna hi naqsh-e-kaf-e-pa hun kya hun

Akhtar Saeed Khan

---

---

kisi ke tum ho kisi ka KHuda hai duniya mein
mere nasib mein tum bhi nahin KHuda bhi nahin

Akhtar Saeed Khan

---

---

aa ki main dekh lun khoya hua chehra apna
mujh se chhup kar meri taswir banane wale

Akhtar Saeed Khan

---

---

kis jurm-e-arzu ki saza hai ye zindagi
aisa to ai KHuda main gunahgar bhi nahin

Akhtar Saeed Khan

---

---

khuli aankhon nazar aata nahin kuchh
har ek se puchhta hun wo gaya kya

Akhtar Saeed Khan

---

---

kaun jine ke liye marta rahe
lo sambhaalo apni duniya hum chale

Akhtar Saeed Khan

---

---