راہ پر آ ہی گئے آج بھٹکنے والے
راہبر دیکھ وہ منزل کا نشاں ہے کہ نہیں
اختر انصاری اکبرآبادی
اک حسن مکمل ہے تو اک عشق سراپا
ہشیار سا اک شخص ہے دیوانہ سا اک شخص
اختر انصاری اکبرآبادی
کچھ اندھیرے ہیں ابھی راہ میں حائل اخترؔ
اپنی منزل پہ نظر آئے گا انساں اک روز
اختر انصاری اکبرآبادی
کیا کرشمہ ہے مرے جذبۂ آزادی کا
تھی جو دیوار کبھی اب ہے وہ در کی صورت
اختر انصاری اکبرآبادی
کیوں کرو اخترؔ کی باتیں وہ تو اک دیوانہ ہے
تم تو یارو اپنی اپنی داستاں کہتے رہو
اختر انصاری اکبرآبادی
کیوں شکن پڑ گئی ہے ابرو پر
میں تو کہتا ہوں ایک بات کی بات
اختر انصاری اکبرآبادی
یہی ہیں یادگار غنچہ و گل اس زمانے میں
انہیں سوکھے ہوئے کانٹوں سے ذکر گلستاں لکھیے
اختر انصاری اکبرآبادی
ظلم سہتے رہے شکر کرتے رہے آئی لب تک نہ یہ داستاں آج تک
مجھ کو حیرت رہی انجمن میں تری کیوں ہیں خاموش اہل زباں آج تک
اختر انصاری اکبرآبادی
یہ رنگ و کیف کہاں تھا شباب سے پہلے
نظر کچھ اور تھی موج شراب سے پہلے
اختر انصاری اکبرآبادی