hum jo luTe us shahr mein ja kar dukh logon ko kyun pahuncha
apni nazar thi apna dil tha koi paraya mal na tha

Akhtar Ansari Akbarabadi

---

---

abhi bahaar ne sikhi kahan hai dil-jui
hazar dagh abhi qalb-e-lala-zar mein hain

Akhtar Ansari Akbarabadi

---

---

gul khilae na kahin fitna-e-dauran kuchh aur
aaj-kal daur-e-mai-o-jam se ji Darta hai

Akhtar Ansari Akbarabadi

---

---

gham-e-dil ka asar har bazm mein hai
sab afsane us afsane se nikle

Akhtar Ansari Akbarabadi

---

---

fitnon ki arzani se ab ek ek tar aaluda hai
hum dekhen kis kis ke daman ek bhi daman pak nahin

Akhtar Ansari Akbarabadi

---

---

dushmani ko bura na kah ai dost
dekh kya dosti hai ghaur se dekh

Akhtar Ansari Akbarabadi

---

---

chup raho to puchhta hai KHair hai
lo KHamoshi bhi shikayat ho gai

Akhtar Ansari Akbarabadi

---

---

andagi teri KHudai se bahut hai aage
naqsh-e-sajda hai tere naqsh-e-qadam se pahle

Akhtar Ansari Akbarabadi

---

---

acha bacha ke guzarna hai daman-e-hasti
sharik-e-KHar bhi kuchh jashn-e-nau-bahaar mein hain

Akhtar Ansari Akbarabadi

---

---