main apna kar-e-wafa aazmaunga phir bhi
kahan main tere sitam yaad karne wala hun

Ain Tabish

---

---

main us ghaDi apne aap ka samna bhi karne se bhagta hun
wo zina zina utarne wali shabih jab mujh mein jagti hai

Ain Tabish

---

---

oz ek marg ka aalam bhi guzarta hai yahan
roz jine ke bhi saman nikal aate hain

Ain Tabish

---

---

tu jo is duniya ki KHatir apna-ap ganwata hai
ai dil-e-man ai mere musafir kaam hai ye na-danon ka

Ain Tabish

---

---