نوجوانوں کا قبیلہ اس کے پیچھے چل پڑا
جرم کر کے بھاگنے والا مثالی ہو گیا

احمد شناس

---

---

میں اس کی پہچان ہوں یا وہ میری
کیا سمجھوں اور وہ سمجھائے کیا کیا

احمد شناس

---

---

میں نے بھی بچوں کو اپنی نسبت سے آزاد کیا
وہ بھی اپنے ہاتھوں سے انسان بنانا بھول گیا

احمد شناس

---

---

میں خود اپنے آپ سے ہوں بیگانہ سا
بستی کے انسان بھی میرے جیسے ہیں

احمد شناس

---

---

میں اکتشاف کی ہجرت بہشت سے لایا
مری تلاش میں میرا مقام لکھا تھا

احمد شناس

---

---

اللہ والا ایک قبیلہ میری نسبت
اور میں اپنے نام نسب سے ناواقف ہوں

احمد شناس

---

---

لفظوں کی دسترس میں مکمل نہیں ہوں میں
لکھی ہوئی کتاب کے باہر بھی سن مجھے

احمد شناس

---

---

لفظ جب اترا مری آنکھیں منور ہو گئیں
لفظ احمدؔ زندگی سے رابطے کی ڈور ہے

احمد شناس

---

---

خود کو پایا تھا نہ کھویا میں نے
بے کراں ذات کنارا تھا مجھے

احمد شناس

---

---