parda jo uTha diya gaya hai
kya tha ki chhupa diya gaya hai

Ahmad Sagheer Siddiqui

---

---

kuchh der mein ye dil kisi ginti mein na hoga
betab bahut rae-shumari ke liye hai

Ahmad Sagheer Siddiqui

---

---

koi taswir bana le ki tujhe yaad rahen
tez chalti hai hawa rang uDe jate hain

Ahmad Sagheer Siddiqui

---

---

kisi surat ye nukta-chiniyan kuchh rang to lain
chalo yun hi sahi ab nam to mashhur hai mera

Ahmad Sagheer Siddiqui

---

---

aana zara tafrih rahegi
ek mahfil-e-sadmat karenge

Ahmad Sagheer Siddiqui

---

---

kholin wo dar kisi ne bhi khola na ho jise
koi jidhar na jae udhar jaana chahiye

Ahmad Sagheer Siddiqui

---

---

kahan main aur kahan gosha-nashini ka ye elan
ye sara silsila mashhur hone ke liye tha

Ahmad Sagheer Siddiqui

---

---

kabhi na badle dil-e-ba-safa ke taur-tariq
adu mila to use bhi salam karte rahe

Ahmad Sagheer Siddiqui

---

---

kab se main safar mein hun magar ye nahin malum
aane mein laga hun ki main jaane mein laga hun

Ahmad Sagheer Siddiqui

---

---