ab is ke tasawwur se bhi jhukne lagin aankhen
nazrana diya hai jise main ne dil o jaan ka

Ahmad Rahi

---

---

jis taraf jaen jahan jaen bhari duniya mein
rasta roke teri yaad khaDi hoti hai

Ahmad Rahi

---

---

har ek baat ke yun to diye jawab us ne
jo KHas baat thi har bar hans ke Tal gaya

Ahmad Rahi

---

---

dur teri mahfil se raat din sulagta hun
tu meri tamanna hai main tera tamasha hun

Ahmad Rahi

---

---

dil se dil nazron se nazron ke ulajhne ka saman
jaise sahraon mein nind aai ho diwanon ko

Ahmad Rahi

---

---

dil ke sunsan jaziron ki KHabar laega
dard pahlu se juda ho ke kahan jaega

Ahmad Rahi

---

---

dard ki baat kisi hansti hui mahfil mein
jaise kah de kisi turbat pe latifa koi

Ahmad Rahi

---

---

ab na kaba ki tamanna na kisi but ki hawas
ab to zinda hun kisi markaz-e-insan ke liye

Ahmad Rahi

---

---