اب اس کے تصور سے بھی جھکنے لگیں آنکھیں
نذرانہ دیا ہے جسے میں نے دل و جاں کا

احمد راہی

---

---

جس طرف جائیں جہاں جائیں بھری دنیا میں
راستہ روکے تری یاد کھڑی ہوتی ہے

احمد راہی

---

---

ہر ایک بات کے یوں تو دیے جواب اس نے
جو خاص بات تھی ہر بار ہنس کے ٹال گیا

احمد راہی

---

---

دور تیری محفل سے رات دن سلگتا ہوں
تو مری تمنا ہے میں ترا تماشا ہوں

احمد راہی

---

---

دل سے دل نظروں سے نظروں کے الجھنے کا سماں
جیسے صحراؤں میں نیند آئی ہو دیوانوں کو

احمد راہی

---

---

دل کے سنسان جزیروں کی خبر لائے گا
درد پہلو سے جدا ہو کے کہاں جائے گا

احمد راہی

---

---

درد کی بات کسی ہنستی ہوئی محفل میں
جیسے کہہ دے کسی تربت پہ لطیفہ کوئی

احمد راہی

---

---

اب نہ کعبہ کی تمنا نہ کسی بت کی ہوس
اب تو زندہ ہوں کسی مرکز انساں کے لیے

احمد راہی

---

---