ek safina hai teri yaad agar
ek samundar hai meri tanhai

Ahmad Nadeem Qasmi

---

---

aaghosh mein mahkoge dikhai nahin doge
tum nikhat-e-gulzar ho hum parda-e-shab hain

Ahmad Nadeem Qasmi

---

---

gham-e-jaanan gham-e-dauran ki taraf yun aaya
jaanib shahar chale duKHtar-e-dahqan jaise

Ahmad Nadeem Qasmi

---

---

fareb khane ko pesha bana liya hum ne
jab ek bar wafa ka fareb kha baiThe

Ahmad Nadeem Qasmi

---

---

dil gaya tha to ye aankhen bhi koi le jata
main faqat ek hi taswir kahan tak dekhun

Ahmad Nadeem Qasmi

---

---

hari duniya mein faqat mujh se nigahen na chura
ishq par bas na chalega teri danai ka

Ahmad Nadeem Qasmi

---

---

andaz hu-ba-hu teri aawaz-e-pa ka tha
dekha nikal ke ghar se to jhonka hawa ka tha

Ahmad Nadeem Qasmi

---

---

ajab tazad mein kaTa hai zindagi ka safar
labon pe pyas thi baadal the sar pe chhae hue

Ahmad Nadeem Qasmi

---

---

aaKHir dua karen bhi to kis muddaa ke sath
kaise zamin ki baat kahen aasman se hum

Ahmad Nadeem Qasmi

---

---