aste mein koi peD jo mil jae to baiThun
wo bar uThaya hai ki dikhne lage shane

Afzal Minhas

---

---

log meri maut ke KHwahan hain 'afzal' kis liye
chand ghazlon ke siwa kuchh bhi nahin saman mein

Afzal Minhas

---

---

apne mahaul se kuchh yun bhi to ghabrae na the
sang lipTe hue phulon mein nazar aae na the

Afzal Minhas

---

---

jaane ye hiddat chaman ko ras aae ya nahin
aag jaisi kaifiyat hai KHushbuon ki lahr mein

Afzal Minhas

---

---

insan be-hisi se hai patthar bana hua
munh mein zaban bhi hai lahu bhi ragon mein hai

Afzal Minhas

---

---

hawa ke phul mahakne lage mujhe pa kar
main pahli bar hansa zaKHm ko chhupae hue

Afzal Minhas

---

---

ek hi fankar ke shahkar hain duniya ke log
koi bartar kis liye hai koi kam-tar kis liye

Afzal Minhas

---

---

dil ki masjid mein kabhi paDh le tahajjud ki namaz
phir sahar ke waqt honTon par dua bhi aaegi

Afzal Minhas

---

---

dard zanjir ki surat hai dilon mein maujud
is se pahle to kabhi is ke ye pairae na the

Afzal Minhas

---

---