meri nazar to KHalaon ne bandh rakkhi thi
mujhe zamin se kahan aasman dikhai diya

Afzal Gauhar Rao

---

---

meri to aankh mera KHwab TuTne se khuli
na jaane panw dhara nind mein kahan main ne

Afzal Gauhar Rao

---

---

tumhein hi sahra sambhaalne ki paDi hui hai
nikal ke ghar se bhi hum to ghar se bandhe hue hain

Afzal Gauhar Rao

---

---

tu parindon ki tarah uDne ki KHwahish chhoD de
be-zamin logon ke sar par aasman rahta nahin

Afzal Gauhar Rao

---

---

yahan bhala kaun apni marzi se ji raha hai
sabhi ishaare teri nazar se bandhe hue hain

Afzal Gauhar Rao

---

---

ye kaise KHwab ki KHwahish mein ghar se nikla hun
ki din mein chalte hue nind aa rahi hai mujhe

Afzal Gauhar Rao

---

---