mujhe bhi ek sitamgar ke karam se
sitam sahne ki aadat ho gai hai

Aatish Bahawalpuri

---

---

muKHalifon ko bhi apna bana liya tu ne
ajib tarah ka jadu teri zaban mein tha

Aatish Bahawalpuri

---

---

tumhein to apni jafaon ki KHub dad mili
meri wafaon ka mujh ko koi sila na mila

Aatish Bahawalpuri

---

---

umid un se wafa ki to KHair kya kije
jafa bhi karte nahin wo kabhi jafa ki tarah

Aatish Bahawalpuri

---

---

ye mai-KHana hai mai-KHana taqaddus us ka lazim hai
yahan jo bhi qadam rakhna hamesha ba-wazu rakhna

Aatish Bahawalpuri

---

---

ye sari baaten hain dar-haqiqat hamare aKHlaq ke munafi
sunen burai na hum kisi ki na KHud kisi ko bura kahen hum

Aatish Bahawalpuri

---

---

zaban pe shikwa-e-be-mehri-e-KHuda kyun hai?
dua to mangiye 'atish' kabhi dua ki tarah

Aatish Bahawalpuri

---

---