aankh khulte hi bastiyan taraj
koi lazzat nahin hai KHwabon mein

Aashufta Changezi

---

---

ghar mein aur bahut kuchh tha
sirf dar-o-diwar na the

Aashufta Changezi

---

---

hai intizar mujhe jang KHatm hone ka
lahu ki qaid se bahar koi bulata hai

Aashufta Changezi

---

---

hamein bhi aaj hi karna tha intizar us ka
use bhi aaj hi sab wade bhul jaane the

Aashufta Changezi

---

---

hamein KHabar thi zaban kholte hi kya hoga
kahan kahan magar aankhon pe hath rakh lete

Aashufta Changezi

---

---

jo har qadam pe mere sath sath rahta tha
zarur koi na koi to wasta hoga

Aashufta Changezi

---

---

kaha tha tum se ki ye rasta bhi Thik nahin
kabhi to qafile walon ki baat rakh lete

Aashufta Changezi

---

---

KHwab jitne dekhne hain aaj sare dekh len
kya bharosa kal kahan pagal hawa le jaegi

Aashufta Changezi

---

---