ye duniya tum ko ras aae to kahna
na sar patthar se Takrae to kahna
ye gul kaghaz hain ye zewar hain pital
samajh mein jab ye aa jae to kahna
bahut KHush ho ki us ne kuchh kaha hai
na kah kar wo mukar jae to kahna
badal jaoge tum gham sun ke mere
kabhi dil gham se ghabrae to kahna
dhuan jo kuchh gharon se uTh raha hai
na pure shahar par chhae to kahna
Ghazal
Ye duniya tumko ras aae to kahna
Javed Akhtar