ye dhup chhanw ke asrar kya batate hain
jo aankh ho to usi ka pata batate hain
ye kaun log hain jo sare kam ayyaron ko
kabhi charagh kabhi aaina batate hain
kabhi wo shaKHs ek adna ghulam tha mera
rafiq ab jise apna KHuda batate hain
bahut se logon ko main bhi ghalat samajhta hun
bahut se log mujhe bhi bura batate hain
wo kitne chhoTe hain andaza KHud laga lije
jo apne aap ko sab se baDa batate hain
Ghazal
Ye dhup chhanw ke asrar kya batate hain
Asad Badayuni