sahn ko chamka gai belon ko gila kar gai
raat barish ki falak ko aur nila kar gai
dhup hai aur zard phulon ke shajar har rah par
ek ziya-e-zahr sab saDkon ko pila kar gai
kuchh to us ke apne dil ka dard bhi shamil hi tha
kuchh nashe ki lahr bhi us ko surila kar gai
baiTh kar main likh gaya hun dard-e-dil ka majra
KHun ki ek bund kaghaz ko rangila kar gai
Ghazal
Sahn ko chamka gai belon ko gila kar gai
Muneer Niyazi