ruke ruke se qadam ruk ke bar bar chale
qarar de ke tere dar se be-qarar chale
uThae phirte the ehsan jism ka jaan par
chale jahan se to ye pairahan utar chale
na jaane kaun si miTTi watan ki miTTi thi
nazar mein dhul jigar mein liye ghubar chale
sahar na aai kai bar nind se jage
thi raat raat ki ye zindagi guzar chale
mili hai shama se ye rasm-e-ashiqi hum ko
gunah hath pe le kar gunahgar chale
Ghazal
Ruke ruke se qadam ruk ke bar bar chale
Gulzar