pairon ko mere dida-e-tar bandhe hue hai
zanjir ki surat mujhe ghar bandhe hue hai
har chehre mein aata hai nazar ek hi chehra
lagta hai koi meri nazar bandhe hue hai
bichhaDenge to mar jaenge hum donon bichhaD kar
ek Dor mein hum ko yahi Dar bandhe hue hai
parwaz ki taqat bhi nahin baqi hai lekin
sayyaad abhi tak mere par bandhe hue hai
hum hain ki kabhi zabt ka daman nahin chhoDa
dil hai ki dhaDakne pe kamar bandhe hue hai
aankhen to use ghar se nikalne nahin detin
aansu hai ki saman-e-safar bandhe hue hai
phenki na 'munawar' ne buzurgon ki nishani
dastar purani hai magar bandhe hue hai
Ghazal
Pairon ko mere dida-e-tar bandhe hue hai
Munawwar Rana