musalsal bekali dil ko rahi hai
magar jine ki surat to rahi hai
main kyun phirta hun tanha mara mara
ye basti chain se kyun so rahi hai
chale dil se ummidon ke musafir
ye nagri aaj KHali ho rahi hai
na samjho tum ise shor-e-bahaaran
KHizan patton mein chhup kar ro rahi hai
hamare ghar ki diwaron pe 'nasir'
udasi baal khole so rahi hai
Ghazal
Musalsal bekali dil ko rahi hai
Nasir Kazmi