maslahat ka koi KHuda hai yahan
kaam jo sab ke kar raha hai yahan
aur milta bhi kya faqiron se
sirf ek hausla mila hai yahan
log mohtat hain rawayyon mein
qurbaton mein bhi fasla hai yahan
aadatan puchhne lage hain log
kya koi hadsa hua hai yahan
ilm to dafn ho chuka kab ka
kuchh kitabon ka silsila hai yahan
raushni muntaqil nahin ki gai
bas diye se diya jala hai yahan
Ghazal
Maslahat ka koi KHuda hai yahan
Ali Zubair