kis ne gham ke jal bikhere
subh andhere sham sawere
is duniya mein kaam na aae
aansu tere aansu mere
raat ki kaifiyyat yaad aai
sham hui hai subh sawere
husn ka daman phir bhi KHali
ishq ne lakhon ashk bikhere
mujh ko duniya se kya matlab
dil bhi mera tum bhi mere
rangin rangin ishq ki rahen
manzil manzil husn ke Dere
aaj 'tabassum' sab ke lab par
afsane hain mere tere
Ghazal
Kis ne gham ke jal bikhere
Sufi Tabassum