itna kyun sharmate hain
wade aaKHir wade hain
likha likhaya dho Dala
sare waraq phir sade hain
tujh ko bhi kyun yaad rakha
soch ke ab pachhtate hain
ret mahal do chaar bache
ye bhi girne wale hain
jaen kahin bhi tujh ko kya
shahr se tere jate hain
ghar ke andar jaane ke
aur kai darwaze hain
ungli pakaD ke sath chale
dauD mein hum se aage hain
Ghazal
Itna kyun sharmate hain
Aashufta Changezi