band aankhen karun aur KHwab tumhaare dekhun
tapti garmi mein bhi wadi ke nazare dekhun
os se bhigi hui subah ko chhu lun jab main
apni palkon pe main ashkon ke sitare dekhun
ab to har gam pe sahra-o-bayaban mein bhi
apni wadi ke hi sadqe mein nazare dekhun
main kahin bhi rahun jannat to meri wadi hai
chand taron ke paDe us pe mein sae dekhun
mujh ko chhu jati hai aa kar jo kabhi subah teri
har taraf phulon ke dilchasp nazare dekhun
Ghazal
Band aankhen karun aur KHwab tumhaare dekhun
Sahiba Sheheryar