sada aish dauran dikhata nahin
gaya waqt phir hath aata nahin

Meer Hasan

---

---

dilli mein aaj bhik bhi milti nahin unhen
tha kal talak dimagh jinhen taj-o-taKHt ka

Mir Taqi Mir

---

---

jaise do mulkon ko ek sarhad alag karti hui
waqt ne KHat aisa khincha mere us ke darmiyan

Mohsin Zaidi

---

---

waqt kis tezi se guzra roz-marra mein 'munir'
aaj kal hota gaya aur din hawa hote gae

Muneer Niyazi

---

---

waqt achchha bhi aaega 'nasir'
gham na kar zindagi paDi hai abhi

Nasir Kazmi

---

---

sab kuchh to hai kya DhunDti rahti hain nigahen
kya baat hai main waqt pe ghar kyun nahin jata

Nida Fazli

---

---

chehra o nam ek sath aaj na yaad aa sake
waqt ne kis shabih ko KHwab o KHayal kar diya

Parveen Shakir

---

---