اردو हिंदी
Waqt Shayari | Shaahi Shayari

Waqt

69 Shers

aur kya chahti hai gardish-e-ayyam ki hum
apna ghar bhul gae un ki gali bhul gae

Jaun Eliya


Tags: | Waqt | | 2 Lines Shayari |


ye na-guzir hai ummid ki numu ke liye
guzarta waqt kahin tham gaya to kya hoga?

Jawad Sheikh


Tags: | Waqt | | 2 Lines Shayari |


ya wo the KHafa hum se ya hum hain KHafa un se
kal un ka zamana tha aaj apna zamana hai

Jigar Moradabadi


Tags: | Khafa | | Waqt | | 2 Lines Shayari |


waqt pujega hamein waqt hamein DhunDega
aur tum waqt ke ham-rah chaloge yaro

Khaleeq Qureshi


Tags: | Waqt | | 2 Lines Shayari |


tu mujhe bante bigaDte hue ab ghaur se dekh
waqt kal chaak pe rahne de na rahne de mujhe

Khursheed Rizvi


Tags: | Waqt | | 2 Lines Shayari |


hamein har waqt ye ehsas daman-gir rahta hai
paDe hain Dher sare kaam aur mohlat zara si hai

Khurshid Talab


Tags: | Waqt | | 2 Lines Shayari |


waqt ki gardishon ka gham na karo
hausle mushkilon mein palte hain

Mahfuzur Rahman Adil