sail-e-zaman mein Dub gae mashhur-e-zamana log
waqt ke munsif ne kab rakkha qaem un ka nam

Anwar Sadeed

---

---

zulf thi jo bikhar gai ruKH tha ki jo nikhar gaya
hae wo sham ab kahan hae wo ab sahar kahan

Asghar Gondvi

---

---

waqt ki sai-e-musalsal kargar hoti gai
zindagi lahza-ba-lahza muKHtasar hoti gai

Asrar-ul-Haq Majaz

---

---

ye mohabbat ka fasana bhi badal jaega
waqt ke sath zamana bhi badal jaega

Azhar Lakhnawi

---

---

alag siyasat-e-darban se dil mein hai ek baat
ye waqt meri rasai ka waqt hai ki nahin

Aziz Hamid Madni

---

---

waqt ka patthar bhaari hota jata hai
hum miTTi ki surat dete jate hain

Baqi Siddiqui

---

---

waqt ke pas hain kuchh taswiren
koi Duba hai ki ubhra dekho

Baqi Siddiqui

---

---