guzarne hi na di wo raat main ne
ghaDi par rakh diya tha hath main ne

Shahzad Ahmad

---

---

waqt fursat de to mil baiThen kahin baham do dam
ek muddat se dilon mein hasrat-e-tarfain hai

Shaikh Zahuruddin Hatim

---

---

un ka zikr un ki tamanna un ki yaad
waqt kitna qimti hai aaj kal

her mention, her yearning her memory
O how precious time now seems to me

Shakeel Badayuni

---

---

sab aasan hua jata hai
mushkil waqt to ab aaya hai

Shariq Kaifi

---

---

talatum aarzu mein hai na tufan justuju mein hai
jawani ka guzar jaana hai dariya ka utar jaana

Tilok Chand Mahroom

---

---

hazaron sal safar kar ke phir wahin pahunche
bahut zamana hua tha hamein zamin se chale

Waheed Akhtar

---

---