jism thakta nahin chalne se ki wahshat ka safar
KHwab mein naql-e-makani ki tarah hota hai

Faisal Ajmi

---

---

ishq par faez hun auron ki tarah lekin mujhe
wasl ka lapka nahin hai hijr se wahshat nahin

Ghulam Husain Sajid

---

---

wahshat-e-dil ne kiya hai wo bayaban paida
saikDon kos nahin surat-e-insan paida

Haidar Ali Aatish

---

---

apne hamrah jo aate ho idhar se pahle
dasht paDta hai miyan ishq mein ghar se pahle

Ibn e Insha

---

---

dayar-e-nur mein tira-shabon ka sathi ho
koi to ho jo meri wahshaton ka sathi ho

Iftikhar Arif

---

---

ghar ki wahshat se larazta hun magar jaane kyun
sham hoti hai to ghar jaane ko ji chahta hai

Iftikhar Arif

---

---

wo jis ke nam ki nisbat se raushni tha wajud
khaTak raha hai wahi aaftab aankhon mein

Iftikhar Arif

---

---