na mudaraat hamari na adu se nafrat
na wafa hi tumhein aai na jafa hi aai

Bekhud Badayuni

---

---

wafa ka nam to pichhe liya hai
kaha tha tum ne is se peshtar kya

Bekhud Dehlvi

---

---

ummid to bandh jati taskin to ho jati
wada na wafa karte wada to kiya hota

Chiragh Hasan Hasrat

---

---

jao bhi kya karoge mehr-o-wafa
bar-ha aazma ke dekh liya

Dagh Dehlvi

---

---

uD gai yun wafa zamane se
kabhi goya kisi mein thi hi nahin

Dagh Dehlvi

---

---

wafa karenge nibahenge baat manenge
tumhein bhi yaad hai kuchh ye kalam kis ka tha

Dagh Dehlvi

---

---

wafa par dagha sulh mein dushmani hai
bhalai ka hargiz zamana nahin hai

Dattatriya Kaifi

---

---