kyun meri tarah raaton ko rahta hai pareshan
ai chand bata kis se teri aankh laDi hai

Sahir lakhnavi

---

---

main KHayal hun kisi aur ka mujhe sochta koi aur hai
sar-e-aina mera aks hai pas-e-aina koi aur hai

I am someone else's thought, someone else brings me to mind
my image in the mirror wrought, someone else is there behind

Saleem Kausar

---

---

apne jaisi koi taswir banani thi mujhe
mere andar se sabhi rang tumhaare nikle

Salim Saleem

---

---

jahan mein hone ko ai dost yun to sab hoga
tere labon pe mere lab hon aisa kab hoga

Shahryar

---

---

shadid pyas thi phir bhi chhua na pani ko
main dekhta raha dariya teri rawani ko

Shahryar

---

---

yun teri yaad mein din raat magan rahta hun
dil dhDakna tere qadmon ki sada lagta hai

Shahzad Ahmad

---

---

jati hai dhup ujle paron ko sameT ke
zaKHmon ko ab ginunga main bistar pe leT ke

Shakeb Jalali

---

---