log kahte hain ki tu ab bhi KHafa hai mujh se
teri aankhon ne to kuchh aur kaha hai mujh se

Jaan Nisar Akhtar

---

---

yaro kuchh to zikr karo tum us ki qayamat banhon ka
wo jo simaTte honge un mein wo to mar jate honge

Jaun Eliya

---

---

ek chehra hai jo aankhon mein basa rahta hai
ek tasawwur hai jo tanha nahin hone deta

Javed Naseemi

---

---

mujhe tanhai ki aadat hai meri baat chhoDen
ye lije aap ka ghar aa gaya hai hat chhoDen

Javed Saba

---

---

us ne aanchal se nikali meri gum-gashta bayaz
aur chupke se mohabbat ka waraq moD diya

Javed Saba

---

---

dil mein kisi ke rah kiye ja raha hun main
kitna hasin gunah kiye ja raha hun main

Jigar Moradabadi

---

---

dil ki choTon ne kabhi chain se rahne na diya
jab chali sard hawa main ne tujhe yaad kiya

Josh Malihabadi

---

---