wafa tujh se ai bewafa chahta hun
meri sadgi dekh kya chahta hun

fealty I seek from you, O my faithless friend
behold my innocence and, see what I intend

Hasrat Mohani

---

---

kisi sabab se agar bolta nahin hun main
to yun nahin ki tujhe sochta nahin hun main

Iftikhar Mughal

---

---

aadmi jaan ke khata hai mohabbat mein fareb
KHud-farebi hi mohabbat ka sila ho jaise

Iqbal Azeem

---

---

log kahte hain ki tu ab bhi KHafa hai mujh se
teri aankhon ne to kuchh aur kaha hai mujh se

Jaan Nisar Akhtar

---

---

yaad rakhna hi mohabbat mein nahin hai sab kuchh
bhul jaana bhi baDi baat hua karti hai

Jamal Ehsani

---

---

ek chehra hai jo aankhon mein basa rahta hai
ek tasawwur hai jo tanha nahin hone deta

Javed Naseemi

---

---

dil mein kisi ke rah kiye ja raha hun main
kitna hasin gunah kiye ja raha hun main

Jigar Moradabadi

---

---