muddat mein sham-e-wasl hui hai mujhe nasib
do-chaar sal tak to ilahi sahar na ho

Ameer Minai

---

---

tum ko aata hai pyar par ghussa
mujh ko ghusse pe pyar aata hai

Ameer Minai

---

---

achchha KHasa baiThe baiThe gum ho jata hun
ab main aksar main nahin rahta tum ho jata hun

Anwar Shuoor

---

---

is talluq mein nahin mumkin talaq
ye mohabbat hai koi shadi nahin

Anwar Shuoor

---

---

mere ghar ke tamam darwaze
tum se karte hain pyar aa jao

Anwar Shuoor

---

---

sirf us ke honT kaghaz par bana deta hun main
KHud bana leti hai honTon par hansi apni jagah

Anwar Shuoor

---

---

wafa tum se karenge dukh sahenge naz uThaenge
jise aata hai dil dena use har kaam aata hai

Arzoo Lakhnavi

---

---