kaise mumkin hai ki hum donon bichhaD jaenge
itni gahrai se har baat ko socha na karo

Aziz Warsi

---

---

wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin

Bashir Badr

---

---

juda the hum to mayassar thin qurbaten kitni
baham hue to paDi hain judaiyan kya kya

Faiz Ahmad Faiz

---

---

wo aa rahe hain wo aate hain aa rahe honge
shab-e-firaq ye kah kar guzar di hum ne

Faiz Ahmad Faiz

---

---

us ke bare mein bahut sochta hun
mujh se bichhDa to kidhar jaega

Farhat Abbas Shah

---

---

hum se tanhai ke mare nahin dekhe jate
bin tere chand sitare nahin dekhe jate

Farhat Shahzad

---

---

chamakte chand se chehron ke manzar se nikal aae
KHuda hafiz kaha bosa liya ghar se nikal aae

Fuzail Jafri

---

---