اردو हिंदी
Judai Shayari | Shaahi Shayari

Judai

93 Shers

judaiyon ke zaKHm dard-e-zindagi ne bhar diye
tujhe bhi nind aa gai mujhe bhi sabr aa gaya

Nasir Kazmi


Tags: | Dard | | Sad | | Judai | | 2 Lines Shayari |


yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal

Nasir Kazmi




juda kisi se kisi ka gharaz habib na ho
ye dagh wo hai ki dushman ko bhi nasib na ho

from their beloved separated none should be
such a fate should not befall even my enemy

Nazeer Akbarabadi


Tags: | Judai | | 4 Lines Shayari |


us ko ruKHsat to kiya tha mujhe malum na tha
sara ghar le gaya ghar chhoD ke jaane wala

Nida Fazli




koi yahan se chal diya raunaq-e-baam-o-dar nahin
dekh raha hun ghar ko main ghar hai magar wo ghar nahin

Nooh Narvi


Tags: | Judai | | 2 Lines Shayari |


ye Thik hai nahin marta koi judai mein
KHuda kisi ko kisi se magar juda na kare

Qateel Shifai




yun lage dost tera mujh se KHafa ho jaana
jis tarah phul se KHushbu ka juda ho jaana

Qateel Shifai


Tags: | Dost | | Judai | | 2 Lines Shayari |