zikr jab chhiD gaya qayamat ka
baat pahunchi teri jawani tak

Fani Badayuni

---

---

aat bhi nind bhi kahani bhi
hae kya chiz hai jawani bhi

Firaq Gorakhpuri

---

---

naseha aashiqi mein rakh mazur
kya karun aalam-e-jawani hai

Goya Faqir Mohammad

---

---

KHamosh ho gain jo umangen shabab ki
phir jurat-e-gunah na ki hum bhi chup rahe

Hafeez Jalandhari

---

---

tasawwur mein bhi ab wo be-naqab aate nahin mujh tak
qayamat aa chuki hai log kahte hain shabab aaya

Hafeez Jalandhari

---

---

jab mila koi hasin jaan par aafat aai
sau jagah ahd-e-jawani mein tabiat aai

Hafeez Jaunpuri

---

---

ajib haal tha ahd-e-shabab mein dil ka
mujhe gunah bhi kar-e-sawab lagta tha

strange was the condition of my heart in youth
when even sinful deeds seemed piety forsooth

Hira Nand Soz

---

---