ishq ko naghma-e-ummid suna de aa kar
dil ki soi hui qismat ko jaga de aa ka

Akhtar Shirani

---

---

ishq ek aisi haweli hai ki jis se bahar
koi darwaza khule aur na daricha nikle

Akram Naqqash

---

---

nafrat se mohabbat ko sahaare bhi mile hain
tufan ke daman mein kinare bhi mile hain

Ali Zaheer Lakhnavi

---

---

aql ko tanqid se fursat nahin
ishq par aamal ki buniyaad rakh

Allama Iqbal

---

---

hui na aam jahan mein kabhi hukumat-e-ishq
sabab ye hai ki mohabbat zamana-saz nahin

Allama Iqbal

---

---

ishq bhi ho hijab mein husn bhi ho hijab mein
ya to KHud aashkar ho ya mujhe aashkar ka

Allama Iqbal

---

---

jab ishq sikhata hai aadab-e-KHud-agahi
khulte hain ghulamon par asrar-e-shahanshahi

Allama Iqbal

---

---