mujh se to dil bhi mohabbat mein nahin KHarch hua
tum to kahte the ki is kaam mein ghar lagta hai

Abbas Tabish

---

---

ye mohabbat ki kahani nahin marti lekin
log kirdar nibhate hue mar jate hain

Abbas Tabish

---

---

zahiran maut hai qaza hai ishq
par haqiqat mein jaan-fazan hai ishq

Abdul Ghafoor Nassakh

---

---

husn ek dilruba hukumat hai
ishq ek qudrati ghulami hai

Abdul Hamid Adam

---

---

log kahte hain ki tum se hi mohabbat hai mujhe
tum jo kahte ho ki wahshat hai to wahshat hogi

Abdul Hamid Adam

---

---

pahle baDi raghbat thi tere nam se mujh ko
ab sun ke tera nam main kuchh soch raha hun

Abdul Hamid Adam

---

---

ishq hai be-gudaz kyun husn hai be-niyaz kyun
meri wafa kahan gai un ki jafa ko kya hua

Abdul Majeed Salik

---

---