اردو हिंदी
Husn Shayari | Shaahi Shayari

Husn

110 Shers

ishq ab bhi hai wo mahram-e-be-gana-numa
husn yun lakh chhupe lakh numayan ho jae

Firaq Gorakhpuri




kisi ka yun to hua kaun umr bhar phir bhi
ye husn o ishq to dhoka hai sab magar phir bhi

Firaq Gorakhpuri




sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri


Tags: | Shaam | | Sad | | Mayoosi | | Yaad | | Dil | | Husn | | 2 Lines Shayari |


zara visal ke baad aaina to dekh ai dost
tere jamal ki doshizgi nikhar aai

Firaq Gorakhpuri




har haqiqat hai ek husn 'hafiz'
aur har husn ek haqiqat hai

Hafeez Banarasi


Tags: | Sach | | Husn | | 2 Lines Shayari |


aasman aur zamin ka hai tafawut har-chand
ai sanam dur hi se chand sa mukhDa dikhla

Haidar Ali Aatish


Tags: | Chaand | | Husn | | 2 Lines Shayari |


ai sanam jis ne tujhe chand si surat di hai
usi allah ne mujh ko bhi mohabbat di hai

Haidar Ali Aatish