اردو हिंदी
Husn Shayari | Shaahi Shayari

Husn

110 Shers

tum husn ki KHud ek duniya ho shayad ye tumhein malum nahin
mahfil mein tumhaare aane se har chiz pe nur aa jata hai

Sahir Ludhianvi




aaina le ke dekh zara apne husn ko
aaegi ye bahaar-e-gulistan KHizan mein yaad

Shah Naseer


Tags: | Husn | | 2 Lines Shayari |


chand se tujh ko jo de nisbat so be-insaf hai
chand ke munh par hain chhain tera mukhDa saf hai

Shaikh Zahuruddin Hatim




husn aaina fash karta hai
aise dushman ko sangsar karo

Shaikh Zahuruddin Hatim




sitam-nawazi-e-paiham hai ishq ki fitrat
fuzul husn pe tohmat lagai jati hai

Shakeel Badayuni