tujhe kuchh ishq o ulfat ke siwa bhi yaad hai ai dil
sunae ja raha hai ek hi afsana barson se

Abdul Majeed Salik

---

---

andheri raat ko main roz-e-ishq samjha tha
charagh tu ne jalaya to dil bujha mera

Abdul Rahman Ehsan Dehlvi

---

---

main Thaharta gaya rafta rafta
aur ye dil apni rawani mein raha

Abrar Ahmad

---

---

yaad bhi teri miT gai dil se
aur kya rah gaya hai hone ko

Abrar Ahmad

---

---

dil ke virane mein ghume to bhaTak jaoge
raunaq-e-kucha-o-bazar se aage na baDho

Ada Jafri

---

---

mujhe gum-shuda dil ka gham hai to ye hai
ki is mein bhari thi mohabbat kisi ki

Afsar Allahabadi

---

---

kisi tarah to ghaTe dil ki be-qarari bhi
chalo wo chashm nahin kam se kam sharab to ho

Aftab Hussain

---

---