in pari-ruyon ki aisi hi agar kasrat rahi
thoDe arsa mein paristan aagara ho jaega

Aagha Akbarabadi

---

---

ji chahta hai us but-e-kafir ke ishq mein
tasbih toD Daliye zunnar dekh ka

Aagha Akbarabadi

---

---

junun ke hath se hai in dinon gareban tang
qaba pukarti hai tar tar hum bhi hain

Aagha Akbarabadi

---

---

kisi ko koste kyun ho dua apne liye mango
tumhaara faeda kya hai jo dushman ka zarar hoga

Aagha Akbarabadi

---

---

kisi sayyaad ki paD jae na chiDiya pe nazar
aap sarkaen na mahram se dupaTTa apna

Aagha Akbarabadi

---

---

kuchh aisi pila de mujhe ai pir-e-mughan aaj
qainchi ki tarah chalne lagi meri zaban aaj

Aagha Akbarabadi

---

---

mai-kasho der hai kya daur chale bismillah
aai hai shisha-o-saghar ki talabgar ghaTa

Aagha Akbarabadi

---

---