oz patthar ki himayat mein ghazal likhte hain
roz shishon se koi kaam nikal paDta hai
Rahat Indori
nae kirdar aate ja rahe hain
magar naTak purana chal raha hai
Rahat Indori
na ham-safar na kisi ham-nashin se niklega
hamare panw ka kanTa hamin se niklega
Rahat Indori
meri KHwahish hai ki aangan mein na diwar uThe
mere bhai mere hisse ki zamin tu rakh le
Rahat Indori
maza chakha ke hi mana hun main bhi duniya ko
samajh rahi thi ki aise hi chhoD dunga use
Rahat Indori
aankh mein pani rakho honTon pe chingari rakho
zinda rahna hai to tarkiben bahut sari rakho
Rahat Indori
main ne apni KHushk aankhon se lahu chhalka diya
ek samundar kah raha tha mujh ko pani chahiye
Rahat Indori
main aaKHir kaun sa mausam tumhaare nam kar deta
yahan har ek mausam ko guzar jaane ki jaldi thi
Rahat Indori
main aa kar dushmanon mein bas gaya hun
yahan hamdard hain do-chaar mere
Rahat Indori