girja mein mandiron mein azanon mein baT gaya
hote hi subh aadmi KHanon mein baT gaya

Nida Fazli

---

---

ab KHushi hai na koi dard rulane wala
hum ne apna liya har rang zamane wala

Nida Fazli

---

---

ghar ko khojen raat din ghar se nikle panw
wo rasta hi kho gaya jis raste tha ganw

Nida Fazli

---

---

gham ho ki KHushi donon kuchh dur ke sathi hain
phir rasta hi rasta hai hansna hai na rona hai

Nida Fazli

---

---

gham hai aawara akele mein bhaTak jata hai
jis jagah rahiye wahan milte-milate rahiye

Nida Fazli

---

---

fasla nazron ka dhoka bhi to ho sakta hai
wo mile ya na mile hath baDha kar dekho

Nida Fazli

---

---

ek mahfil mein kai mahfilen hoti hain sharik
jis ko bhi pas se dekhoge akela hoga

Nida Fazli

---

---

ek be-chehra si ummid hai chehra chehra
jis taraf dekhiye aane ko hai aane wala

Nida Fazli

---

---

dur ke chand ko DhunDo na kisi aanchal mein
ye ujala nahin aangan mein samane wala

Nida Fazli

---

---