hum shaiKH na leader na musahib na sahafi
jo KHud nahin karte wo hidayat na karenge
Faiz Ahmad Faiz
aae kuchh abr kuchh sharab aae
is ke baad aae jo azab aae
Faiz Ahmad Faiz
hum sahal-talab kaun se farhad the lekin
ab shahr mein tere koi hum sa bhi kahan hai
Faiz Ahmad Faiz
hum parwarish-e-lauh-o-qalam karte rahenge
jo dil pe guzarti hai raqam karte rahenge
We will nourish the pen and tablet; we will tend them ever
We will write what the heart suffers; we will defend them eve
Faiz Ahmad Faiz
hum aise sada-dilon ki niyaz-mandi se
buton ne ki hain jahan mein KHudaiyan kya kya
Faiz Ahmad Faiz
hum ahl-e-qafas tanha bhi nahin har roz nasim-e-subh-e-watan
yaadon se moattar aati hai ashkon se munawwar jati hai
Faiz Ahmad Faiz
hadis-e-yar ke unwan nikharne lagte hain
to har harim mein gesu sanwarne lagte hain
Faiz Ahmad Faiz
han nukta-waro lao lab-o-dil ki gawahi
han naghmagaro saz-e-sada kyun nahin dete
Faiz Ahmad Faiz
gulon mein rang bhare baad-e-nau-bahaar chale
chale bhi aao ki gulshan ka karobar chale
Faiz Ahmad Faiz