achchhe isa ho marizon ka KHayal achchha hai
hum mare jate hain tum kahte ho haal achchha hai

Ameer Minai

---

---

abhi kamsin hain ziden bhi hain nirali un ki
is pe machle hain ki hum dard-e-jigar dekhenge

Ameer Minai

---

---

abhi aae abhi jate ho jaldi kya hai dam le lo
na chhoDunga main jaisi chahe tum mujh se qasam le lo

Ameer Minai

---

---

ab aaya dhyan ai jaan-e-jahan is na-muradi mein
kafan dena tumhein bhule the hum asbab-e-shadi mein

Ameer Minai

---

---

aaya na ek bar ayaadat ko tu masih
sau bar main fareb se bimar ho chuka

Ameer Minai

---

---

aashiq ka bankpan na gaya baad-e-marg bhi
taKHte pe ghusl ke jo liTaya akaD gaya

Ameer Minai

---

---

aahon se soz-e-ishq miTaya na jaega
phunkon se ye charagh bujhaya na jaega

Ameer Minai

---

---

aafat to hai wo naz bhi andaz bhi lekin
marta hun main jis par wo ada aur hi kuchh hai

Ameer Minai

---

---

aabru shart hai insan ke liye duniya mein
na rahi aab jo baqi to hai gauhar pattha

Ameer Minai

---

---